Meðferð tækisins
Fara skal gætilega með tækið, rafhlöðuna, hleðslutækið og
allan aukabúnað. Eftirfarandi leiðbeiningar hjálpa til við að
halda tækinu í ábyrgð.
•
Halda skal tækinu þurru. Úrkoma, raki og hvers kyns
vökvar geta innihaldið steinefni sem tæra rafrásirnar.
Ef tækið blotnar skal fjarlægja rafhlöðuna og leyfa því
að þorna.
•
Hvorki skal nota tækið á rykugum eða óhreinum
stöðum né geyma það þar. Hreyfanlegir hlutir og
rafrænir hlutar þess geta skemmst.
•
Ekki skal geyma tækið á heitum stað. Hátt hitastig getur
dregið úr endingu tækisins, skemmt rafhlöðuna og
undið eða brætt plastefni.
•
Ekki skal geyma tækið á köldum stað. Þegar tækið
hitnar upp að eðlilegu hitastigi getur raki myndast
innan í því og hann getur skemmt rafrásir.
•
Ekki skal reyna að opna tækið öðruvísi en tilgreint er í
notendahandbókinni.
•
Óleyfilegar breytingar geta skemmt tækið og kunna að
brjóta í bága við ákvæði laga um senditæki.
•
Tækinu skal ekki henda, ekki skal banka í það eða hrista
það. Óvarleg meðferð getur skemmt innri rafrásaspjöld
og búnað.
•
Aðeins skal nota mjúkan, hreinan og þurran klút til að
hreinsa yfirborð tækisins.
•
Ekki skal mála tækið. Málningin getur fest hreyfanlega
hluti tækisins og komið í veg fyrir að þeir vinni rétt.
•
Af og til skal slökkva skal á tækinu og fjarlægja
rafhlöðuna til að það virki sem best.
•
Haltu tækinu frá seglum eða segulsviðum.
•
Til að tryggja öryggi mikilvægra gagna skal vista þau á
minnst tveimur stöðum, svo sem í tækinu, á
minniskorti eða tölvu, eða skrifa niður mikilvægar
upplýsingar.
Við lengri aðgerðir getur tækið hitnað. Það er í flestum
tilvikum eðlilegt. Ef grunur leikur á að tæki vinni ekki rétt skal
fara með það til næsta viðurkennda þjónustuaðila.